早前預告《蘋果》將邀請不同YouTuber齊齊玩，由online拉回offline的真實世界，這次請來YouTube頻道Bushman Kitchen的兩位主理人，帶着張惠雅到大埔體驗野外求生術，在城市中享受接近原始的兩日一夜。
香港人，都是被繁華都市寵壞的小孩，同樣亦被大都會的步伐擠壓着。近年，越來越多香港人以慢活態度調整思緒，特別是過去一年冇得飛，坐困愁城的人們，選擇回歸大自然的擁抱，享受最單純及直接的小確幸。
Bushman Kitchen頻道結合野外生活藝術與烹飪，雖然題材較冷門，但自去年5月成立至今，已有近7萬次觀看次數，兩位主理人19歲的刺身及23歲的阿鑫，分別負責示範煮食及拍攝。《蘋果》日前相約他們帶同特別嘉賓張惠雅（Regen）到大埔，大玩兩日一夜的野外露營。現年32歲的Regen驚悉兩位主理人如此年輕，即自嘲說：「帶住姨姨去露營。」
火，是野外露營非常重要的一環。是次主題大玩原始感覺，因此刺身首要教Regen自製用作生火的柴花，他說：「其實只係用樹枝刨啲木梢出嚟，因為形態好似朵花，所以叫柴花，然後用打火石點得着就可以生火。」以刀仔在樹枝刨出木梢，看上去簡單易學，但只有88磅、瘦掹掹的Regen氣力不夠，最後仍要刺身出手代勞。除了柴花，還要親自斬柴枝做燃料，Regen邊鋸邊說：「我覺得好似隊冧一個人咁，我放棄啦，點解咁難架？」
終於，火起了。Regen還製作自創甜品予刺身品嚐：「真係好好食，因為燒嘢食嘅麵包係好好食，然後燒綿花糖又好好食，所以我將呢兩樣嘢撈埋一齊。」甜品的賣相雖然相當「趕客」，但味道成功獲得正攻讀廚藝的刺身認證，經過一天的相處，Bushman兩子與Regen逐漸熟絡，經常互窒，更笑言要與對方上契。夜幕下，Regen與刺身在營火旁交換故事，曾在英國獨自露營的她說：「上年年尾之後，我一直想做露營片，今次真係做晒我想體驗嘅嘢。」
刺身說：「想做野外生活藝術YouTube片，係因為本身就鍾意做呢樣嘢，而香港亦冇乜人做。可惜係香港唔可以喺地下生火，拍出嚟要合法，去營地又好多人，不過我仲讀緊書，只可以星期六、日去，真係睇吓好唔好彩。」他坦言當YouTuber全因興趣驅使，烹飪和露營正是他的最愛，而烹調過程較花費時間的傳統粵菜更是令他着迷：「出面好多速食店，大家都鍾意用最快嘅方法去煮嘢食，但係真係鍾意煮嘢食嘅人，係會想做到最好。以前嘅年代冇咁商業，當時嘅人就有心機去煮。」
時下年輕人普遍喜歡的消閒活動，刺身直言統統不感興趣：「我唔打機、唔睇戲、唔聽歌，所以我真係冇聽過你（指Regen）啲歌。除咗戶外活動同煮嘢食，返教會係我另外最大嘅興趣。」提到他實行YouTube Channel的經過，刺身說：「呢個係同水煮魚有淵源，因為有次去露營，見到有個人蕩失路，又餓又乜都冇咁，就分享咗我原本用嚟做晚餐嘅水煮魚畀佢，嗰個人就係阿鑫，我嘅攝影師。」Regen大讚他們的概念，更肉緊地鼓勵他們一定要堅持：「我餐廳隔離有個地方，啲人成日去野炊，你隨時可以嚟喎，你哋真係好叻。如果我早啲識你，我會愛上你。」剌身即抵死地說：「但係我唔會。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
