係囉，係囉，幾時啫？
無綫藝人岑杏賢（Jennifer）下嫁圈外男友張嘉俊（Kelvin），一班好姊妹朱千雪、湯洛雯、張嘉兒及蔣家旻等連日晒出陪嫁相，夾晒時間洗版式出Post，幾咁有心。
雖然啲相都係大同小異，每位姊妹都捉實新娘影單人合照，又攬又錫，感情相當好，當中終於見到蔣家旻成功接花球一刻。
湯洛雯留言指今次係佢哋一班女仔入面，第3個姊妹出嫁，仲話有好多嘢想同岑杏賢講：「我們第3個姊妹出嫁了，希望你喜歡我們送給妳的禮物，不只是老公會送你鑽石喔，閨蜜們也會啊，因為我們的愛也是永恒的👭👰👭願您們永遠幸福快樂 👩❤️💋👨💒」點知就畀網友調轉頭向湯洛雯催婚，係咁問幾時到佢嫁，睇嚟大家最想睇都係佢同男友馬國明可以早日拉埋天窗啵～
岑杏賢亦上載當日與爸爸的合照，並留言：「有爸爸為他女兒放下頭紗，有爸爸摸着我的頭，然後對着我説：『女，你今日真的好美、好美，妳即將要做人妻，爸爸今日好開心、好安慰，您終於找到幸福。 妳記住爸爸的話，要學做一個賢妻，愛錫你丈夫，倆人永結同心，知道嗎？我同媽媽永遠永遠都咁愛妳！』 知道！」
來源 source: http://hk.on.cc
|
鍾意就快D Share啦！
|
|
|
