出關冇同翠如爆激情 蕭正楠：仲陌生咗
蕭正楠早前被列為新冠肺炎密切接觸者，在完成14日強制隔離檢疫後，今日首度現身為無線劇集《愛美麗狂想曲》宣傳，與陳豪、何廣沛、李佳芯、陳瀅等出席記者會。
阿蕭透露入隔離營當日，工作人員穿上全套防疫衣到他家，再加上黃翠如眼濕濕，乘車前往隔離營時的確有點傷感。他說隔離營準時提供3餐，如何打發時間則靠自己。他說：「會同翠如FaceTime，都會透過FaceTime睇吓個雪櫃有咩，教佢煮啲咩嘢食。」他透露翠如為安全起見，選擇了家中自我隔離14日。他笑說：「翠如見我返嚟，就好開心咁話煮嘢我食，點知河粉發霉嘅，魚蛋有少少臭。」 問到該飲食節目是否繼續拍攝？他表示公司已決定暫停拍攝，待疫情緩和後再開拍。
此外，台上阿蕭戲言要做陳豪契仔，叫陳豪打金牌準備抱孫。陳豪認為阿蕭跟翠如要急起直追生BB，感覺阿蕭同樣是好爸爸。阿蕭說：「見到陳豪好錫小朋友，（黃）祥興又生咗第3個小朋友。當你想抱嘅時候，你又會發覺小朋友係黐爸爸媽媽，但都係隨緣。」問跟翠如14日不見，有否更激情加快造人進度？他尷尬說：「仲陌生咗，要培養感情。」
跟李佳芯劇中再演情侶，陳豪承認大家滿有默契，但監製們亦因如此，希望他們有不同的火花及結局，相信該劇會帶給觀眾驚喜。李佳芯乘機騷長腿，但見右腳膝頭哥位置擦損傷痕。她笑說：「拍劇擦損，我又鍾意周圍坐，俾石仔一擦就損，但又唔會俾仔擦損喎！」劇中跟何廣沛有姊弟戀，她透露今次劇情天馬行空，何廣沛角色是轟烈地追求她。她說：「如果現實喺咁，我諗我會不知所措。」
來源 source: http://hd.stheadline.com
|
鍾意就快D Share啦！
|
|
|
