鄭裕玲到底有冇批過周星馳唔會紅？佢就話過你知真相！
娛樂圈一直有個都市傳聞，話鄭裕玲（Do姐）喺當紅嘅時候，被當時寂寂無聞嘅周星馳請教，問自己可唔可以紅，但即被Do姐當頭棒喝：「路人甲永遠不可能成為主角！」就係咁，就傳Do姐同周星馳積怨多年。
都話係都市傳聞，Do姐日前就喺個電台節目澄清，話一直都覺得對方好特別，鍾意喺《430穿梭機》搞喊細路，到周星馳入劇組，大家就有時傾吓偈，是非就係咁出嚟。
Do姐話有次等埋位，周星馳問佢做演員有冇前途，當時有人聽到佢哋嘅對話就加鹽加醋，但Do姐強調永遠唔會話人唔得：「我記得我同周星馳講你好有潛質，要畀心機，點知傳咗話：『你不如唔好做！』我其實真心覺得佢好好。呢啲要求證嘛，我真係冇講過！」
來源 source: http://hk.on.cc
|
鍾意就快D Share啦！
|
|
|
