同古天樂劉德華一齊救市 溫碧霞投資拍戲唔計較賺錢
疫情下溫碧霞（Irene）北上掘金半年，做到冇停手，直至農曆新年前先有時間返港同家人度歲，但本月尾會再返內地與張家輝合作拍攝歷史戰爭片《731》，6月為其電影工作室開第3套新戲《我們的18歲》。Irene堅持疫市下更加要投資開戲振興香港電影業，讓業界人人有工開。採訪：方騫平 攝影：張詠森 場地：LA RAMBLA @ ifc
溫碧霞電影工作室將開拍第3套新片《我們的18歲》，電影以一個女仔的成長為題材，有取自她及身邊朋友的真人真事。Irene透露籌備3年，花咗好多心機喺劇本上，所以相當期待。目前casting緊一個有氣質，飾演她少女期的素人。
為業界出力
新冠疫情肆虐全球，香港演藝行業幾乎陷入停頓狀態，溫碧霞要同古天樂、劉德華一齊救市，唔介意繼續投資：「《我們的18歲》唔係大製作冇巨額投資，當然冇古仔同華仔佢哋咁犀利我冇佢哋咁有錢，只係出到小小力，佢哋對香港電影業真係出心又出力。」Irene又強調好多演員朝住開戲呢個方向發展，「演員好被動，角色唔到你揀，𠵱家可以拍到自己想拍嘅嘢，令到本地有多啲唔同元素嘅電影。」捱咗半世人嘅Irene說：「𠵱家賺錢唔係最重要，夢想更勝一切！」早前她於社交網分享在豪華別墅內牽白馬嘅相令網民熱議，她再度澄清係美麗的誤會：「呢間屋係喺杭州拍戲時嘅豪宅，因為Fans開馬場，所以帶咗兩匹小馬嚟探班，我喺內地冇房地產。」
來源 source: http://hd.stheadline.com
|
鍾意就快D Share啦！
|
|
|
