品牌韓國代言人係BTS 姜濤收廣告酬勞幫補利是開支
姜濤由出道至今都係吸金王，廣告量之多，要寫可以寫滿成版紙，咁當然升格為「我最愛的男歌手」，酬勞當然有所增加，但無阻品牌老細送錢畀佢使，最新有韓國由BTS做代言人的運動品牌邀請咗姜B拍攝新一季廣告，更以他的音樂歷程做主題。
姜濤表示自己有不足，但會努力做好每一個工作，積極為未來奮鬥：「其實今次廣告同我都好似，攝影師叫我擺番啲天然呆嘅Pose，再回憶翻入行嗰陣，好多時未了解發生咩事；到發現自己唔係新人喇，要更加有自信去做每一件事，所以去到拍攝後半段佢哋叫我嘅眼神要肯定啲！」
對於由新人升呢做「我最喜愛男歌手」，姜濤坦言要重新適應：「好似就嚟過年，以前我係負責逗利是，𠵱家經理人同我講，過年開工要派利是畀工作人員，我都覺得怪怪地、未習慣，但係成長過程就係咁，慢慢去學囉，而且身邊嘅人真係幫咗我好多，派比大家都係開心嘅。好在過年前接到呢個廣告，當做幫補吓啲利是錢！」
另外姜濤拍廣告亦不忙為兄弟謀福利：「呢款鞋都有好多隻顏色，我就問品牌可唔可以每款都比一對我，我要送晒比身邊嘅兄弟，當係新年禮物囉！又或者過年前比晒佢地，過年有新鞋著，襯番個隊型出嚟。其實新年都係開工，都唔敢周圍去住，如果攞到幾日假，想好好休息吓，諗吓有咩音樂靈感，來年從新出發。」
來源 source: http://hd.stheadline.com
|
鍾意就快D Share啦！
|
|
|
