隨着影視展揭幕，由鄭嘉穎、鍾嘉欣（Linda）及羅子溢主演的無綫新劇《星空下的仁醫》（前名《兒科醫生》）片花及劇照正式曝光。「回流返港」的人妻Linda於戲中繼續施展「無敵喊功」，而何依婷扮演的兒科實習醫生，則因病情影響活動能力，一場爬地情緒戲，相當催淚！
子溢表示拍攝時自己剛榮升人父，特別感同身受，他說：「同好多小朋友，尤其係BB級嘅對手交流，真係好考耐性，事關佢哋嘅情緒比較難控制，有時5、6個鐘先拍到一場戲，不過拍咗好多珍貴嘅鏡頭，包括同BB嘅身體語言。其實有啲場口涉及BB滿身貼晒急救貼，我睇到真係好心痛，呢啲係自然反應，而呢套劇最有意義係講醫生同病人之間嘅關係。」
客串其中一個單元的張秀文劇照內滿手鮮血，原來她扮演一名精神病患者，她說：「角色自殺崩潰，事前驚做得唔好，所以好早就準備情緒，朝早就喊定，點知去到下午4點先埋位，喊到冇晒力，連對白都嚇到講唔到，好彩有嘉穎安撫同請大家食下午茶，佢同Linda都好Nice！」
來源 source: http://hk.on.cc
|
鍾意就快D Share啦！
|
|
|
