藝人江嘉敏最近頻頻開工，除咗密鑼緊鼓拍攝無綫新劇《黯夜守護者》之外，仲踩過界處女下海首次挑戰做主持，孖馮盈盈、戴祖儀、賴慰玲等開拍節目《解構心機女》，節目未出街就已經夠晒Gimmick，簡直係萬眾期待！
對於做主持呢個新Mission，嘉敏表示心情好興奮，事前狂做功課希望有最佳表現︰「平時得閒就睇電影、煲劇，呢排聽多咗收音機，因為想個反應快啲，做主持個腦真係要轉得好快，第1日開工都早咗15分鐘到現場做準備，難免都會有少少緊張。」佢又自評首日開工分數，謙虛話：「表現只係OK合格，仲有好大嘅進步空間，除咗要背稿、反應快，仲有好多嘢要兼顧，做主持真係唔簡單！」
佢仲特別多謝2位「貴人」相助，分別係主持人之一嘅賴慰玲同嘉賓何廣沛：「一開始拍嘅時候，我唔係好適應要望鏡頭講嘢，好彩有賴慰玲Lead住我，因為我坐喺佢隔離，所以佢都好好咁會帶領着我入主題，發表多啲自己意見，而何廣沛都好好，當我諗緊嘢畀唔到反應之際都會Lead住我。」
來源 source: http://hk.on.cc
|
鍾意就快D Share啦！
|
|
|
