2021年3月27日星期六

為演唱會熱身 MIRROR化身勇士跳足23小時

MIRROR成員齊齊以武士造型上陣為新歌拍攝MV。

即將於5月舉行演唱會的人氣男團MIRROR，推出本年度首支跳唱團歌《WARRIOR》，顧名思義，歌曲講述一班勇士面對重重難關，依然想盡辦法努力克服。日前MIRROR成員齊齊以武士造型上陣為新歌拍攝MV，雖然又跳又唱拍足23小時，但12位成員愈跳愈起勁，表現專業，永不言倦。

相隔逾半年，MIRROR再次推出跳唱快歌，今次舞步編排上可謂向高難度挑戰，舞蹈更細膩、更密集、更具節奏感。隊長Lokman（楊樂文）表示：「其實今次歌曲籌備了一段時間，編舞上係密集咗少少，而且大家成員都有不同工作在身，都比較忙，所以濃縮咗啲時間，喺兩星期內進行相當密集式嘅訓練。今次首歌嘅舞步，肥仔（梁業）都有份編排，肥仔出名要求高，我哋個個都跳到大汗疊細汗，都有同肥仔及排舞導師傾點樣令首歌嘅舞跳得更好，相信今次出嚟效果會好浩蕩。」

雖然MIRROR為了今次MV拍足23小時，但能與全新班底合作，12位成員均表現雀躍，期間一part舞步，12位成員更要邊跳舞邊灑爽身粉，他們大叫感覺有趣。提到歌曲《WARRIOR》意指克服難關，問到MIRROR成軍以來，可有遇過最大的難關？副隊長Anson Kong（江𤒹生）稱：「出道面對最大難關，相信定必是上年的疫情，令我哋少咗好多表演機會、聚少離多，未能好似成軍第一年咁日日合作、磨擦出火花。」至於MIRROR中哪位成員最似warrior（勇士）？Lokman指Stanley（邱士縉）及Alton（王智德）的手臂最粗，最似warrior。他續說：「其實MIRROR成員個個都係warrior，因為我哋經歷《全民造星》呢個戰場慢慢長大，每個人都有不同特質，就好似在戰隊中各有不同位置。」