余文樂與王棠云結婚後，生埋一仔一女，幸福到爆，佢哋仲早已搬去台灣享受人生。點解話享受人生，皆因樂仔喺2018年豪擲2.8億新台幣（約7,700萬港元） ...
余文樂與王棠云結婚後，生埋一仔一女，幸福到爆，佢哋仲早已搬去台灣享受人生。點解話享受人生，皆因樂仔喺2018年豪擲2.8億新台幣（約7,700萬港元）購入台北豪宅「頂禾園」14樓單位，面積有成8,100呎，住呢間Dream House唔係享受係乜嘢！
而樂仔日前喺社交網限時動態一條浴室整蠱老婆嘅片，令佢洗手間意外曝光，只見設計行型格路線，以灰色為主，空間感十足，廁所又同沐浴分開，完全係豪宅規格，目測面積至少200呎，真係隨時大過好多香港人住嘅劏房呀！
