音音姐自嘲素顏最恐怖 黃又南玩 「逃出劏房」嚇到大叫
繼《三夫》後「最草根」的香港金像導演陳果又一凶猛話題傑作《鬼同你住》。陳果繼續頑童本色，玩血腥恐怖及諷刺幽默，借鬼故事批判香港樓市荒謬，將「同鬼住恐怖？定無屋住恐怖？」發揮得淋漓盡緻！睇電影未夠驚嚇？仲要玩埋電影體驗館先夠入戲！早前陳果導演就率領主角黃又南與邵音音齊為「逃出劏房」電影體驗館揭幕解禁。
《鬼同你住》聯乘銅鑼灣糖街製片廠，呈獻特別設計期間限定「逃出劏房」電影體驗館，帶你親身走入《鬼同你住》超逼真100%還原恐怖劏房，感受香港「鬼咁恐怖」的土地供應問題，同時考驗玩家解謎逃生能力，在密閉壓迫的劏房中，根據電影中死於非命的「強仔」生前留下的種種線索，於限時30分鐘內完成密室逃脫任務，包保玩家迷失於電影與現實之間！
導演陳果見到１：１還原戲中場景的「逃出劏房」電影體驗館非常驚喜，大讚精緻過癮。自言一向膽小、相信有鬼所以非常容易自己嚇自己的黃又南更親身試玩，扮演無辜租客被職員反鎖在狹小而黑暗的劏房內，剛開始已被嚇得呱呱大叫！中途亦出現「卡關」，要靠職員提示才能成功逃出生天！結果也花了少於30分鐘，成績算合格。
音音姐戲份集中在別墅豪宅，所以來到「劏房」都覺得很新奇。見劏房空間狹小，影合照時更自動請纓坐在廁板上！音音姐坦言唔怕鬼，問到如何幫陳果導演營造恐怖氣氛，音音姐爆笑話自己素顏最恐怖：「其實我唔化妝、一瞪大眼、歪起嘴，就係人見到都驚！」但陳果導演卻表示音音姐在戲中要化老妝扮98歲，要花幾小時來準備，非常專業。
「逃出劏房」電影體驗館設計概念源自《鬼同你住》戲中一段情節：太保飾演的無良業主扭盡六壬，千方百計將自己層唐樓改裝成10多間劏房出租謀利，但「鬼仔」強仔（李鎧霖 飾）老是常出現大搞破壞！原來強仔在劏房出生，一直跟家人住在劏房，4歲時遇上媒氣意外洩漏而中毒慘死。因為死於非命，陰魂不散，仍終日流連劏房，作弄大小朋友，搞鬼嬉戲。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
