撰文：海月｜圖片：大叔的愛、Dcard
【真．大叔的愛】精英男上司向毒毒男下屬表白
有男網民在Dcard討論區上發文，指5月20日﹙諧音：我愛你﹚時在公司枱頭上收到一束玫瑰配上滿天星，本身事主以為有人想送花給鄰座靚女同事但放錯位，可是到收工前整個辦公室都沒有人認領花束，更有同事取笑事主：「係咪買咗花唔敢送畀人？」。事主心諗：「邊個咁大整蠱A0單身狗？」，就帶回家中送予母親。雖然媽媽很開心，不過卻問了一句：「阿仔，點解扎花有張卡仔嘅？」。
事後事主就約男上司食飯：
我坐到等佢收工後，就去問佢收工得唔得閒食飯。
因為唔識點入題（毒L淆底）就打算約佢食晚飯講，第一次單獨食飯我都知好odd，成個氣氛都好尷尬我又好緊張唔知拎唔拎張卡出嚟好！！！！ 結果垃圾的我成餐飯都無提到！
佢都無問我點解會約佢食飯，就開始問下我啲日常野，然後大家開始傾計交流下興趣。
最後我都係忍唔住問左句：前幾日札花係咪你送嫁，點解有你個名嘅哈哈，你係咪比人玩？（附輕佻語氣
佢就停左一陣，無應，然後話：係我送，張卡係我寫
跟住佢就乘機表白，話暗戀左我差不多一年。
了解到男上司真的喜歡自己，事主決定由朋友開始做起。自從上次食飯後，基本上事主差不多日日都會疑男上司放工後食飯。
有時佢OT，我都會留低幫吓佢手，喺過程中，我了解到其實佢又冇想像中咁悶，反而會係咁講啲唔好笑嘅笑話，然後我就扮到好好笑咁笑吓。
相處中事主覺得與男上司價值觀相似而且十分投契。
可以有同感到傾足個幾鐘！有時大家會訴吓苦同互串。佢行為舉動都好take care我，搞到我勁shy。因為上司屋企都幾近公司，所以有時都會上佢屋企打機，佢知我鍾意打機，就買咗好多我玩開嘅game。
二人關係慢慢拉近，對話亦愈來愈曖昧，只剩下事主給予男上司答覆，而事主亦打算擇日答覆男上司，更特地買套靚衫。
本來都順順利利嘅，但係，因為幾日前發生咗啲事……
原來……
上左佢屋企打幾個鐘機 ，之後傾傾下突然大家有feel，佢就想錫落嚟！咁個下我個腦反應係「初吻?!拍左拖之後先錫」（諗番都唔知自己jm9）然後就推開左佢！之後個氣氛變到好尷尬，我又紅都面哂唔知點解釋，又無勇氣當下表白，就話夠鐘搭車走。
事後「第二日番工，雖然佢都照係好nice咁對我，但feel到佢好避忌同我接觸」，之後男上司就向事主講咗幾樣嘢同埋道歉，好似係想斷左關係。而事主反省過後覺得「無論最後結果係一場空都好。其實我唔想無咗佢，諗番同佢一齊嘅時間真係好開心，係我近幾年無趣嘅生活中嘅happy hour。」，之後事主亦準備上男上司屋企解釋及表白。
到底後事如何，就一齊留意事主更新喇！
|
鍾意就快D Share啦！
|
|
|
