拍畢《殺出個黃昏》速成長 鍾雪瑩佩服四哥捱得零怨言
由林家棟監製及聯合編劇、新晉導演高子彬執導的電影《殺出個黃昏》下周先上映，不過昨日（21日）率先收到獲邀參加《第20屆紐約亞洲電影節》的好消息，電影將於8月跟美國觀眾見面！《殺》片的8分鐘製作特輯亦曝光，除了相隔60年再合作的「四哥」謝賢和馮寶寶外，前者與26歲新人鍾雪瑩的一段「非親非故」變成「爺孫」關係，亦是令人動容的重頭戲，雪瑩大嘆：「我（喺片場）係一個隨時俾人鬧嘅狀態之中！」更自嘲自己「冇乜經驗」，再加上有「少少白痴」，也曾質疑自己是否適合當一個演員，但她謂：「好彩有四哥呢個前輩陪我行呢條路！」
問到可記得自己新入行時的面貌？四哥說：「我以前好大膽好百厭，舊時細個會去海旁啲漁艇度偷魚，我會去拆咗人哋啲魚，成十幾條，之後仲俾漁民發現，嚇到我呀，哈哈！開心不特止，我仲要送好多魚俾人食，自己都食唔晒。」被問到是否仍享受拍戲？他笑稱自己天生吃演員這口飯，「我都未做過其他嘢，淨係拍戲，養大成家人，大約拍過五百幾部戲。」
談到參與《殺》片後成熟不少，雪瑩坦言相當佩服四哥捱得零怨言：「佢係一個84歲嘅男主角，雖然經歷超過288小時嘅密集式拍攝，但喺佢口中，我一句怨言都從來冇聽過，反而喺佢身上面，我更加明白咩係苦中作樂，遊戲人生。同四哥拍戲嘅呢段時間，已經成為我人生其中一段美好嘅回憶。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
