「美容女王」唐安麒致力發掘人才，最近她與「金牌經理人」霍汶希及名模馬詩慧等人，擔任「2021亞洲模特盛典香港賽區」的評審，日前40名入圍選手進行初選，其中18歲小鮮肉王耀宏（Ivan）因激似韓星金秀賢而率先跑出，當日他自彈自唱陳芳語的《愛你》，加上迷人笑容及謙虛禮貌的態度，好快就得到評審歡心。另外，12歲孖女Jaybie及Jaybo亦展現超強跳舞技巧，獲評判拍爛手掌。至於，曾參加ViuTV節目《全民造星III》打入20強、有「翻版柯震東」之稱的楊甯亦有參賽，其表現備受期待。
不過亦有參賽者演出差強人意，其中有人竟直言：「我唔係好熟隻歌，可唔可以拎住手機睇歌詞。」令評判大感詫異，不過唐安麒仍保持器量，待對方完成表演後才直批：「操守同禮貌好緊要，參加比賽冇可能拎住電話睇歌詞，韓國人非常重視禮貌同態度，即使有才藝同外貌，冇禮貌亦會被Out！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
