頭條獨家丨劉威煌搵MIRROR拍廣告增成本唔化算 首為休閒服品牌做推廣
42歲劉威煌同許廷鏗都係「巨星幫」出身，7年前離開TVB後轉型生意人經營珍珠奶茶，最近他處男為一個美國休閒服裝品牌做推廣策劃。原來最初服裝品牌老闆找他做代言人，但威煌笑言由他代言會拉低件事，反而想試做幕後。他又指品牌selling point似佢，唔強求有幾紅，但求隨心出發。採訪：方騫平 攝影：沈健程 場地：美臻集團 服裝：J.Peterman
劉威煌做咗多年歌手，對服裝品味都有信心，甚至試過有觀眾私訊他，追問件衫喺邊度買？但孭上重擔做埋宣傳推廣係第一次。
多謝畀機會
品牌老闆搵威煌全因睇中他好隨心，跟品牌無拘無束的意念相近。威煌大笑說：「多謝老闆畀學習機會我，學多樣嘢會開心啲，雖然我唔計較錢，但我唔會做義工，一定要收錢。」問到會否做埋騷肌男model？他笑說：「有得諗，但等我操返啲線條先。」𠵱家威煌嘅珍珠奶茶店擴充到第4間，叫做搵到啖飯食，但強調唔係每樣生意都有錢賺：「7年前開辦音樂中心因為收生不足咪執咗囉，哈！做音樂嘢反而蝕錢。今次我哋會用一分錢一分貨宗旨，想薄利多銷同消費者雙贏。其實搵MIRROR廣告收效好大，不過受budget限制，羊毛只會出在羊身上，咁做唔多化算。」
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
