藝人羅子溢今日（16日）出席無綫台慶劇《星空下的仁醫》結局篇宣傳活動。談到戲內角色濫藥違反操守，今晚劇情更交代他有遭除牌的可能，子溢笑言：「呢個角色係我從來冇演過嘅，係次好大嘅挑戰，但可以話畀大家聽happy ending。（同現實生活中嘅你一樣，事業愛情兩得意？）我覺得現實生活比劇情更加美滿，簡直係父慈女孝！」
談到愛女小珍珠已經歲半大，子溢苦笑：「佢好百厭呀，表情古靈精怪又唔肯食嘢，啲頑皮嘢學晒我。湊住佢真係好攰，我寧願返工好啲，辛苦太太。（報名返學未？）搞咗，報咗兩間，兩間都OK，仲要係心儀之選。」
子溢一再表示從來無避孕，不過「追多個」則要睇天安排：「真係要請多個姐姐幫手，即使唔係再有咗，都唔想太太同外母咁辛苦，話晒外母年紀開始大，不過依家請工人好難，我每個星期一朝早起身撳電腦，訂姐姐隔離酒店，但冇次成功，我冇超級電腦，唔夠人快！」談到明年他會到內地全力發展，記者打趣催促他「把握時間」造人，子溢笑言：「最緊要成功撳到電腦先，或者兩樣同步做都得。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
