女星賈曉晨（JJ）婚後為老公樊少皇誕下大女「小飯兜」及細女「小飯團」，近年長駐內地工作嘅佢哋，又要拍戲、又要照顧幼女，真係少啲體力都唔得，不過講最辛苦，莫過於寶貝女病到要入醫院。JJ就喺社交網話自己平時買食材要精桃細選，唔新鮮、唔靚都唔會買，點知有次就買咗「中伏」，疑買咗啲有問題嘅士多啤梨返屋企，阿女食完就喊住話個肚仔唔舒服，痛到碌埋落地，仲發燒發到38.7度，嚇到JJ立即送阿女入院，好在食完藥就冇事，真係要去還神呀！
網友都祝佢囡囡早日康復之餘，就問佢啲士多啤梨點咩樣，佢之後上載啲幾粒士多啤梨相，雖然睇相就冇乜異樣，但睇真啲又覺得啲士多啤梨個椗位好似白咗啲。JJ就話自己都食過幾粒，之後個肚真係痛喎，所以就覺得最錯係啲不良商家，賣呢啲疑有問題嘅士多啤梨畀人食，所以呼籲大家都要小心啲，謹記食品安全嘅重要性，否則就好似佢哋咁貼錢買難受，又話見個女咁辛苦，做阿媽嘅寧願自己受晒啲苦，都唔想自己啲仔女有啲啲唔舒服呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
