藝人李璨琛囡囡李元元（Lucy）出名樣子可愛又肥嘟嘟，無論係招牌可愛笑，或者送心心、晒V，定係嘟嘴送吻等，各種甫士都完全難佢唔到呀，融化咗好多網民嘅心，係星二代嘅風頭躉！唔知係咪自從9月開學之後，佢少咗出街玩，少咗去做運動，仲唔經唔覺咁食得多太多嘢，搞到肥咗呢？依家天氣都開始凍，學校就要轉冬季校服，點知佢肥到連套校服都着唔落囉，Lucy媽就代佢喺社文網留言：「套校服第1日着就已經唔啱着，個頸位係完全扣唔埋仲有個肚位都係！#校服表示壓力好大#係咁話好緊呀媽媽！」
網民見到佢套校服着到咁緊，就嗌佢下次記得要買大啲：「校服梗要買大啲，尤其冬天仲要再預大啲」仲將個矛頭直指係佢爸爸李璨琛唔識幫個女買校服：「通常由阿爸經手就會出事！」到底件校服係邊個買都好，依家都冇辦法着㗎啦，相信都係要買個套先得啦，記得要買大啲呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
