家族爭鬥劇《家族榮耀》依家網上熱播中，當中已經淡出大眾視線多年嘅名模熊黛林，復出拍戲，非常驚喜。早前曾自爆入戲太深，返到屋企都似足角色咁冷淡而嚇親有米老公郭可頌。今次飾演惡毒少奶嘅佢，近日接受內地傳媒訪問時，就表示嗰種日日飲下午茶、開P嘅場景，佢自己就冇真實體驗過，佢仲話自己好鍾意「演員」身份，太耐冇演戲覺得心癢，更坦言長期留喺屋企令佢好難受：「我閒着真的閒到，就覺得好像迷失自我一樣，天天不知道自己在幹甚麼，就是每天在那裏跟寶寶玩、帶她們上學。我應該回歸社會，很想找回自己，很想找回自己的事業。」
熊黛林又表示當全職媽媽仲辛苦過拍戲，對佢嚟講拍戲反而係一種放鬆、抒壓嘅方法，所幸老公相當支持自己，更做埋佢粉絲。佢就自爆老公曾親口對佢承諾：「你放心的去拍戲吧！你不在的時候我會照顧兩個寶寶。」夫妻感情好到爆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
