前東華三院主席王賢誌媽媽王胡麗明上月離世，今日（18日）於紅磡世界殯儀館設靈，各界送贈的過百花圈將靈堂變成花海，包括英皇主席楊受成、周潤發、鄭嘉穎、陳凱琳、汪明荃、羅家英、謝霆鋒等各界所送贈的花圈由靈堂一直擺放到街外。靈堂布置以簡潔白色為主，王胡麗明遺照着上旗袍，橫匾寫上懿範長存，靈堂前放上由家人送上的心形花圈。
身穿黑色西裝的王賢誌，約下午3時抵達殯儀館打點，王賢誌父親王忠桐則於下午3時半到達。
王賢誌隨後接受訪問指媽媽享年75歲，過身原因則不方便透露，喪禮亦沒有特別宗教儀式，他說：「都有心理準備，因為佢都唔舒服咗一段時間，但係依然非常掛住佢。（靈堂內播放嘅歌曲係媽咪生前鍾意嘅？）係，有啲係同妹妹合唱，自己就唱咗一首送畀媽媽，希望喪禮可以溫馨啲，不至於太過嚴肅。（有咩遺願？）我諗佢都係希望我哋繼續努力向前，照顧好爸爸。遺照相係媽媽一直放喺床頭，因為搵唔番底片，所以事前都要搵人修復，我諗媽媽都會鍾意。」
講到另一半周思聰期間是否給予很大的支持？他說：「係呀，佢畀咗好多支持我，我哋呢排都係返屋企同爸爸食飯，喺屋企就諗吓喪禮嘅安排，有佢嘅支持好重要。既然係人生必經嘅階段，惟有欣然接受。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
