喬寶寶教孫仔廣東話 六個月大喬孫孫一學就識好醒目 #喬寶寶

喬寶寶教孫仔廣東話六個月大喬孫孫一學就識好醒目疫情下好多演出工作都停晒，定居蘇格蘭嘅喬寶寶索性湊孫為樂，最近他同家人去咗加拿大溫哥華旅行，旅行期間不忘 ...

喬寶寶教孫仔廣東話 六個月大喬孫孫一學就識好醒目

疫情下好多演出工作都停晒，定居蘇格蘭嘅喬寶寶索性湊孫為樂，最近他同家人去咗加拿大溫哥華旅行，旅行期間不忘同喬孫孫互動，喺○氹小朋友玩嘅過程乘機教佢聽及講廣東話。

六個月大喬孫孫好可愛。



疫情下寶寶湊孫為樂。



有個咁得意嘅孫仔，喬寶寶同喬嫂嫂不愁寂寞。

51歲喬寶寶係印度裔香港人，喺香港土生土長，識得講流利廣東話，大仔「印度豹」都識少少。片中喬寶寶全程用廣東話跟喬孫孫溝通，叫喬孫孫：「唔好扭計、過嚟錫爺爺、咀嘴呀！你鍾唔鍾意爺爺？鍾意爺爺就拍手手…」點知孫仔竟將對手放咗入口，喬寶寶即耐心地更正：「拍手手乖喇！即係唔鍾意爺爺啦？咁樣唔算數，唔係要將隻手擺落個口，係要拍手手，爺爺咪教過你㗎…」快將7個月嘅喬孫孫好快就聽得懂，而且拍起手手來，○氹得喬寶寶歡呼大笑，猛讚乖喇！乖喇！醒目仔喬孫孫眼大大、白雪雪深得網民喜愛，大讚喬孫孫唔止靚仔仲精靈可愛，十分叻仔。



孫仔月底7個月喇。



唔係口口係拍手手。



乖爺爺咪教過你拍手手囉！



YEAH！乖喇！

 

更多第5波疫情資訊，請到以下專頁瀏覽 按此 

立即下載 | 全新《星島頭條》APP :https://bit.ly/3yLrgYZ

本文作轉載及備份之用 來源 source: http://hd.stheadline.com

鍾意就快D Share啦！

下一篇 》