熱爆娛樂: 林欣彤被指做第三者潛水半月終蒲頭　貼恐怖喉嚨潰瘍圖避談是非 #林欣彤

2022年3月7日星期一

林欣彤被指做第三者潛水半月終蒲頭　貼恐怖喉嚨潰瘍圖避談是非 #林欣彤

林欣彤上月中確診新冠肺炎，連帶令她與樂隊ONE PROMISE成員Anton戀情曝光，更疑似成為「小三」橫刀奪愛。是是非非傳不停之下，Mag潛水半個月終現身，先上網見證好友鄧小巧在加拿大行禮，再出POST分享康復經過，但避談感情是非。

Mag貼出喉嚨潰瘍圖，表示首兩天靠食有麻痺成分的喉糖、消炎藥及噴喉痛露噴劑，尚有效減輕痛楚，但去到第三日時，這些藥物已失效猶如「痛到升天」：「我嘅過程係難捱嘅…因為病徵較多：嘔吐、肚瀉、頭痛、骨痛、乾咳、痰咳、喉嚨潰瘍、發燒、發冷、呼吸不順、鼻水。當中最痛苦係喉嚨潰瘍（圖4喉嚨嘅白色部分就係潰瘍部份，唔好意思..post張咁嘔心嘅圖係for可能喉嚨潰瘍嘅人參考下）我痛到每一秒都喺精神崩潰嘅邊緣，痛到完全訓唔到，每吞一啖食物/水都要打自己大脾。」其後跟隨陳健安（On仔）方法，以生理鹽水、暖綠茶漱口，以及含生蒜片舒緩，太痛時就漱口、洗鼻，後來還在睡覺時使用加濕器才逐漸好轉。