台灣歌手哈林（庾澄慶）同前妻伊能靜所生嘅兒子小哈利（庾恩利），因為愛大方分享易服裝扮而被大眾認識，但自從佢加入樂壇之後，就未再見佢啲裙仔「重出江湖」。光陰似箭，唔經唔覺小哈利亦踏入二十歲，佢爸爸庾澄慶就喺社交網貼出兩張個仔小時候佢兩個嘅生活照，留言：「哈利在我心裏停格在孩子的畫面！不顧我的反對！然後⋯就二十歲了！送你人生最重要的祝福就是要健康快樂！Happy Birthday。」
雖然呻咗句個仔唔聽佢講，但兩仔爺邊有隔夜仇，個仔健康快樂先係最緊要，網友都留言祝小哈利生日快樂，其中包括圈中好友台灣女子組合S.H.E成員Ella（陳嘉樺），哈林亦有回覆對方對祝福表示感謝，但同時亦留言：「百感交集！未來妳會知道滴」、「只能好好珍惜」，Ella似乎亦理解到哈林那份酸味，留言回覆：「你這樣說我都想哭了，勁寶，不要長那麼快。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
