台灣女星徐熙媛（大S）上年11月宣布同汪小菲離婚，結束10年婚姻，回復單身嘅汪小菲隨即同25歲嘅內地女星張穎穎傳緋聞，日前佢喺社交網直播賣貨嗰陣，左手的無名指戴上一大枚戒指，再婚謠言火速被瘋傳。而大S離婚之後行事低調，主力照顧一對子女，暫時都仲未打算復出幕前，妹妹小S（徐熙娣）早前接受訪問時，提到大S嘅近況，透露大S嘅氣色同狀態都極好，小S仲話連佢老公都稱讚大S回春，令小S呷醋話：「我問老公那我呢？他說我就是一直維持而已。」小S強調大S依家唔需要別人陪，過得很自在，好享受湊小朋友嘅時光，基本生活上冇壓力。
不過小S喺訪問中唔覺意透露咗大S離婚嘅其中一個原因，原來大S喺婚姻中過得並唔開心。至於被追問大S是不是有追求者？小S就唔敢多講驚畀姐姐大S鬧呀！但係小S就話大S嘅仲有戲癮，如果將來有機會，大S有都希望以演員回歸幕前，但一切還是都係睇大S自己嘅意願
本文作轉載及備份之用 來源 source: http://hk.on.cc
|
鍾意就快D Share啦！
|
|
|
