2022年4月2日星期六

頭條獨家丨薛影儀戴好口罩派物資做義工將功補過 #薛影儀

頭條獨家丨薛影儀戴好口罩派物資做義工將功補過

「亞視一姐」薛影儀早前因被警方控告「普通襲擊」及「口罩令」兩罪罪成，現正排期上訴中。阿儀為求將功補過，上庭前後不停做義工。日前她由「最索經理人」林寶玉陪同，乖乖戴返好口罩派送物資畀住喺公屋嘅確診家庭。阿儀表現淡定，面對確診住戶都唔退縮，真係要畀個讚佢呀！採訪：方騫平攝影：葉君海

亞姐冠軍陳美儀、林美茵、阿儀、林寶玉去南昌邨派送物資。

上庭前阿儀跟經理人林寶玉、亞姐冠軍陳美儀及「網絡人氣」大獎得主林美茵幫社福機構「絲打同行」，派送物資畀南昌邨一啲低收入確診家庭。即使官非纏身，但當日阿儀表現積極，一馬當先喺確診住戶鐵閘度掛上物資，又喺林寶玉指示下打電話通知住戶，祝佢哋身體健康，就算行上行落都冇話呻攰，表現唔錯。



阿儀近期好積極做善事。



掛完物資，阿儀打電話通知確診住戶。

阿儀買咗好多口罩

派發過程中發生小插曲，其中有間確診住戶急不及待開門取物資，4人沒有退縮，陳美儀更向住戶鞠躬送上祝福，讀護理的她說：「我唔驚，其實都有保持一定嘅社交距離，可能幫人嘅心急切過恐懼，既然我哋有活力及能力應該幫人，施比受更有福，見到佢哋嘅笑容我會更加開心。」至於林文茵的家人都係新冠康復者，笑言會好好利用短暫嘅免疫力去幫人，因為都感受過被隔離嘅無力感。林寶玉就有醫生朋友教她正確的防疫方法更加冇有怕！阿儀就話：「陽性患者都會戴口罩嘅。」在旁嘅陳美儀指阿儀添置咗好多新口罩，對此阿儀說：「𠵱家疫情嚴重，我日日去買餸都會戴返好個口罩。」林寶玉馬上補充指阿儀𠵱家好重視戴口罩。