頭條獨家丨七師傅學識如何撼頭埋牆最靚 拍《瘋火》有得着跟火火學做戲
七師傅（七仙羽）跟火火繼《鬼同妳上位》後，再合作主持搞笑節目《瘋火與膠七》。由於拍攝時正值第5波疫情高峰期，七師傅話最難忘拍MV環節，差啲要同新冠肺炎康復者「打茄輪」，嚇餐死咁話。提到再合作，兩人表示相當愉快，仲想下次合演愛情劇，不過七師傅強調絕對不能有「打茄輪」戲份，期間仲亂咁噏話可包住「脷袋」拍攝，見慣世面嘅火火都被佢引到狂笑。採訪：杜杜 攝影：沈健程
火火覺得七師傅由慷慨變豪爽，「《鬼同妳上位》時佢已經好唔孤寒，好錫大家，經歷咗呢兩年個人發咗達，更加更加豪爽，無論派利是、請食嘢，任何幫得到人嘅嘢，佢都好主動，畀我感覺係施比受，搵到幾多要贈返幾多，幫返幾多人。」七師傅笑指為了保護火火唯有直認發咗達。
幫團隊作法避中招
七師傅覺得同火火合作特別輕鬆，仲學到嘢，「佢本身係導演好有經驗，隨時可以糾正大家，提升我好多演藝能力，譬如佢教識我撞牆，個頭要後啲咁樣撞落去，個效果先靚。我覺得幾好，一箭雙鵰，拍呢個節目順便學埋演戲技巧。」火火在節目中有環節負責執導，他讚七師傅好搏，如入波好叻的前鋒，跟她拍檔可安心助攻，「佢又玩得，科班出身嘅可能會有好多質疑點解要撞牆，但你同佢講，行埋去撞落去，佢就話咁點做呀，遇到個傻嘅，咩都肯死，又入到波喎！」
拍攝撞正第5波疫情，七師傅大呻差點要跟剛染疫康復的《全民造星II》參賽者阿Lu（崔可迪）「打茄輪」，「要同佢拍MV，佢伏喺我膊頭又唔戴口罩，佢仲想『打茄輪』，佢又中過我冇中，呼吸都容易傳，我驚到不得了。」她又自誇台前幕後全部冇中招，全靠她每日幫大家唸經作法，「我每日都唸一個『灰甲』，批住個灰甲，唸嗰個咒。」聽見七師傅的發音，火火即笑住糾正，「盔甲呀！灰甲喺腳度㗎！唔係批灰甲，係披盔甲，哈哈！」
%E4%BD%95%E6%B4%9B%E7%91%A4%E3%80%81%E4%B8%83%E5%B8%AB%E5%82%85%E3%80%81Mangie%E3%80%81%E5%8A%89%E5%85%86%E8%B1%90%E3%80%81%E7%81%AB%E7%81%AB%E3%80%81%E9%84%A7%E8%80%80%E9%8F%97%20.jpg)
鑽研打茄輪技巧
兩人覺得下次可以拍劇，火火更提議可以談情，「中女懷春嗰啲。」但七師傅聽到中女即反對，火火解釋，「少女啲人鬧，老女我又唔啱，過咗25歲都係中女，所以你係26歲，有種中女懷春感覺。」七師傅即說，「我冇懷春呀！」火火再解釋，「含春好唔好？中女遇春好唔好？即係你遇到一個春天。」火火更讚七師傅有真性情，拍愛情嘢幾好。
七師傅亦表示同火火演愛情戲唔會尷尬，但就拒絕「打茄輪」，「真係驚，好尷尬，摸吓都算，『打茄輪』條脷唔伸入去，伸入去好尷尬。」火火笑謂：「唔伸入去就唔係叫『打茄輪』」七師傅話：「打到一半就算，唔好全部，就住畀人以為係，或者戴個袋去。」火火唔明追問：「點樣戴個袋去『打茄輪』呀？」七師傅解釋：「你唔知㗎咩，好多明星戴個脷袋拍。」火火冇咁好氣，「你邊度買個『茄輪』袋呀？」七師傅再解釋，「人哋話可以包保鮮紙，將條脷包到實一實，跟住伸入去，Angelababy就係成日攞個袋『打茄輪』，新聞話佢次次拍親熱戲，一定搵保鮮紙包住條脷，包好多層，嘴又包一層先打。」火火聽到一頭霧水，唯有同七師傅講：「你唔好太信啲新聞，𠵱家啲新聞信唔過。」
更多新冠疫情資訊，請到以下專頁瀏覽
按此https://bit.ly/3JqiBzz
立即下載|全新《星島頭條》APPhttps://bit.ly/3yLrgYZ
|
鍾意就快D Share啦！
|
|
|
