75歲嘅夏雨近年好少現身幕前，佢原來離開香港去咗墨西哥呀！佢早前現身墨西哥邊境城市蒂華納，仲化身KOL拍片介紹當地嘅美食同風土人情等，佢交代近況話：「我依家決定留咗喺度，拍一個好詳細介紹蒂華納嘅特輯，我逐樣逐樣介紹畀大家。」佢除咗帶大家喺當地飲珍珠奶茶之外，仲去咗行街市，參觀賣雜貨嘅跳蚤市場同埋海鮮市場，佢大讚當地嘅物價好低，買一大隻象拔蚌只需4蚊美元（約31港元），藍鰭吞拿魚只係10蚊（78港元）1kg，而買勁大個石斑魚頭只係30美元（約235港元）咋，真係抵到爛喎，唔少網民睇見都話移居當地有得諗喎！
其實蒂華納係墨西哥西北邊境城市，同美國聖地牙哥相鄰，兩地只有一牆之隔，夏雨有拍片介紹邊境牆，期間仲意外目睹有人喺墨西哥穿過邊境偷渡去美國嘅過程添，可以話係夠晒爆呀！但只係新手KOL嘅夏雨可能宣傳未做到足嘅關係，佢嘅網上平台粉絲人數唔係好多，睇嚟要吸多啲人氣真係要加把勁
本文作轉載及備份之用 來源 source: http://hk.on.cc
|
鍾意就快D Share啦！
|
|
|
