MIRROR演唱會前晚（28日）發生嚴重意外，台中央巨型顯示屏突甩脫墮下，壓傷兩名舞蹈員，其中阿Mo傷勢嚴重，仍然留院。意外發生後，有一名自稱有份幫手做MIRROR 演唱會的幕後工作人員爆料，指螢幕設置僅花數小時便完成，質疑是否聘用大量散工所致，令整體安全成疑；而爆料人亦有上載從舞台上方檢查電線時的影片做證據，但相關影片及後已刪除。
有疑似MIRROR演唱會舞台技工爆料，指開騷前已發覺監工有問題。
該疑為舞台技工的人員指整個舞台施工太快，當時已有不好預感，寫著：「係演唱會開始前兩三日，唔知係唔係趕工嘅關係，請多咗啲散工。我記得第一日開始set場係由乜嘢都冇，之後幾個鐘就將天台嘅所有螢幕都佈置好，嗰陣時我心諗會唔會快咗啲，大家喺段片裏面見到嘅都係幾個鐘之內搞掂嘅。果（嗰）下其實我都已經feel到有啲唔係咁好嘅預感。」
演唱會意外頻仍。
爆料人並有三點質疑：「我記得當日仲有幾批人負責唔同嘅部門或者崗位，會唔會係啲散工做錯嘢？定係真係嗰個部門阿頭唔識，或者偷工減料？」
相信大部份市民都希望得知真相。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|
