香港小姐2022選舉在即，師姐唐麗球表示1號徐麟（Astrid）是自己的心水，說：「佢好大方，有性格嘅。我畀意見佢就係要講好啲廣東話。一定要練好啲廣東話，廢事俾人話，不過佢叻女嚟嘅，因為佢本身識德文。唔識廣東話好似爭少少。」
唐麗球也表示，老公吳毅將正在等候北上工作，說：「佢計劃緊，而家話要抽籤。」會不會做「跟得老婆」一起北上？她表示老公已經十分習慣在內地工作，不需要她的照顧，說：「我喺香港打點一切得啦，唔使管㗎，大家講個信任，太多年啦。」她又笑言：「佢就負責喺上面搵錢，我就負責喺香港做慈善，幫佢使吓錢咁囉，哈哈哈。」
唐麗球自入行起已被稱為「波波」，她接受《香港01》訪問指自己也聽過「波波」黃婧靈的「大名」，說：「聽聞佢係真波波呀嘛，哈哈，有佢喺度我都唔敢叫自己做波波。」又指今日到場邵佩詩與她提起過黃婧靈。她也說很欣賞「波波」黃婧靈的敢言直率，說：「邵佩詩話公司都有個波波：『不如我叫你做球球啦。』所以我就叫球球，唔好叫波波啦。我只係知有個波波講嘢比較突出啲，而家啲女仔係咁㗎啦。」唐麗球說，也聽聞過「波波」黃婧靈主持Ben Sir的《冇人性教育》節目，說：「OK㗎，而家咩世代，唔通仲係我哋80年代咩。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
