陳煒穿水晶婚紗配珍珠飾物高貴現身！大方與老公錫錫畀傳媒任影
陳煒與醫生男友陳國強今日在尖沙嘴半島酒店舉行婚禮，兩人原定4月拉埋天窗，惜陳父於女兒出嫁前突然離世，因而延後婚期，今日的婚禮亦低調進行，儀式從簡。陳煒與老公今日約6時在酒店門外見記者，出場時陳國強一直拖實陳煒，非常體貼愛妻，兩人更應記者要求，隔住透明口罩嘴對嘴錫錫。
【點擊睇陳煒靚靚婚紗相】：
陳煒身穿白色婚紗配襯珍珠頸鏈及耳環，相當明艷照人！陳煒整件婚紗都以水晶為主題再配搭碎花，造價高達七位數，簡潔而且相當美麗；而陳煒的妝容亦較淡，反而令煒哥更明艷照人。
煒哥接受訪問時表示現在心情很平靜，她指3個月前只想簡單地註冊，所以最初沒打算擺酒，今晚婚宴將會招待50名賓客，並以自助餐形式進行，問煒哥簽紙時是否有感動落淚？她說：「又冇喎，家姐囉，因為佢幫我做証婚人，我哋始終戴住口罩又冇錫，又冇咩特別⋯⋯（今晚有冇特別儀式？）最主要都係一班好錫我嘅朋友一齊食餐飯。」至於新郎就笑指自己唱歌難聽，所以沒有安排表演，不過就會有愛的宣言，但要到婚姻時才說，而煒哥聽後即幫口說：「而家講就冇驚喜。」而新郞亦承諾會跟大家一樣愛鍚煒哥，更説：「我會照顧佢一生一世！」不過煒哥即笑説：「我照顧你多啲喎！」更踢爆老公為了這次婚禮減肥，而新郎則承認減了3Kg。
煒哥透露婚宴中會換3套衫，全部均由何國鉦操刀，至於婚戒超過5萬元。問到今天是否有接新娘儀式？煒哥說：「冇，啲朋友個個都錫住我，就錫埋佢，唔會俾佢太過辛苦。」當提到兩人是否會去渡蜜月？新郎哥指會，亦希望到一些陽光與海灘的地方。
【相關閱讀】：
陳煒結婚嫁妝曝光！四龍鳳鈪超墜手 金鏈大到閃爆眼
陳煒結婚｜已交換誓言正式成為陳太 禮餅加靚背美照贈傳媒
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|
