藝人羅子溢與楊茜堯（堯堯）組成的幸福家庭除育有一女一子外，愛心爆棚的堯堯更視飼養的一對貴婦狗如珠如寶，子溢更直言未有「人狗分養」，兩小狗與囡囡已建立深厚關係。
早於結婚前，堯堯已飼養兩犬番薯與啫喱，更曾親手烹焗蛋糕為牠們舉行生日派對，子溢「愛屋及烏」，亦相當疼錫牠們。年前小珍珠百日宴時，他們更讓番薯與啫喱站在蛋糕旁合照暫當「主角」，可見地位相當高。轉眼間「囝囝」番薯13歲，「囡囡」啫喱亦已經12歲。子溢形容番薯性格比較老實：「佢哋陪住我對仔女成長，亦陪我哋度過咗好多節日。我哋冇特別分開小朋友同狗狗，佢哋多啲接觸反而身體抵抗力好啲。佢哋4個習慣咗齊齊吵吵鬧鬧，番薯好似眾人哥哥咁，依家細佬Eden雖然未係好識同狗狗交流，但已聽慣咗狗吠聲。」
年前番薯晚上行路跌跌撞撞，經檢查後原來患了白內障，子溢說：「當時佢10歲，求診後醫生話值得博吓，決定畀佢做手術！」手術費花上6位數，而番薯至今視力正常，難怪身為「父母」的子溢與堯堯覺得「物有所值」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
