點擊下圖觀看Kay是日靚相：
早前謝安琪與女兒張靖（Kakaball）首度合作拍攝廣告，為自家品牌新系列做宣傳，Kay表示這次機會期待已久：「佢嗰個天然攣髮真係好靚，成日都好想搵啲勁嘅攝影師為佢影輯相，所以今次搵咗佢做宣傳。」而Kay表示自己亦唔執輸，同樣電了一頭攣髮以配合女兒的造型，不過原來背後隱藏另一個故事：「呢一個髮型除咗係襯番Kakaball，仲要係我心目中媽咪全盛時期嘅造型，呢啲咁溫馨嘅元素流露出親子活動嘅快樂。」
而這次的合作令Kay對Kakaball完全改觀：「嗰日天氣好翳焗，又影咗三四個鐘，對於五歲嘅小朋友嚟講係好辛苦，但係佢都好敬業擺咗好多得意嘅動作，仲有啲難度高嘅動作，好似行石仔路呢啲佢都做得好好，令我好驚喜，仲要影咗咁耐呢個Model嘅報酬都係一杯雪糕，真係非常抵用！」
張繼聰將於下週六（15/10）舉辦演唱會，Kay大爆老公準備充足：「我每日都聽到張先生彈結他同唱歌，仲喺我耳邊呢一種距離，我已經聽咗佢演唱會有成個幾月，所以我對佢好有信心，佢會做個好精彩嘅演出。」有傳MIRROR 10月復工，被問到張繼聰會否邀請Kakaball的偶像盧瀚霆（Anson Lo）作為演唱會嘉賓時，Kay回應：「阿聰嘅演唱會係唔會有嘉賓，但係朋友就好支持佢，有啲朋友好早已經訂飛，有啲朋友最近騰出空檔想嚟睇，實質有邊幾位朋友我都唔知道。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
