現年70歲的顏國樑在《香港八一至香港八六系列》飾演蠱惑又勢利的經紀「陳積」，「二撇雞」成為他的招牌樣。積少指當年因為太紅，曾獲十大傑出青年的委員會推薦 ...
現年70歲的顏國樑在《香港八一至香港八六系列》飾演蠱惑又勢利的經紀「陳積」，「二撇雞」成為他的招牌樣。積少指當年因為太紅，曾獲十大傑出青年的委員會推薦做十大傑青，但被他婉拒：「我唔要呀，因我為嗰陣太紅，但十大傑出青年得十個位，好多小企業係辛苦經營先有成就，畀人哋攞啦，做生意唔容易，唔係實贏，我好欣賞佢哋。」
積少一向有喜感，演活過好多小人物角色，包括《真情》中的陳大勝、《皆大歡喜》的石大川、《十月初五的月光》中的全海景「海景叔」等均甚有代表性。但其實他亦是一代宗師，04年開始學習太極，是趙堡太拳第十二代傳人，近年成為「顏國樑趙堡太極拳會」會長；但他卻從來未在電視劇中一顯身手，他解釋：「我好低調，避咗啲武打場面，尤其年紀大咗，真係郁都係兩吓。」
顏國樑表示不少古裝劇都需要武打場面，但他對拍古裝卻有好大陰影，「如果俾佢（監製）知我打得，就畀佢黐到馬騮咁，皮膚唔受得，一黐塊面就出血水。90年我拍《如來神掌再戰江湖》同關禮傑、江欣燕三位都係主線，我做東島長離，拍十幾日塊已經出晒血水，化妝師問『積少，你塊面爛到出血喎』，我話咁你黐黐吖？20集拍足3個月，真係好辛苦。」
顏國樑於09年淡出幕前後轉教太極拳，近年成為「顏國樑趙堡太極拳會」會長後，主力打理寵物食品零售生意，17年曾為劇集《賭城群英會》客串。（影片截圖）
![]()
![]()
![]()
![]()
![]()
![]()
![]()
![]()
