施明在家意外跌倒頭部重創，需做開腦手術保命，目前仍昏迷留醫ICU，而其細仔李泳豪在母親手術翌日與老婆放閃出席活動，更自PO照片上網，結果遭網友圍插不孝。事後李泳豪解釋不想家事周圍講，應承出席要守諾言，指當日笑住拍照是想掩飾母親受傷事件，惟有扮作若無其事。他又質疑為何母親入院一事被公開，更亳無證據下直指孖生哥哥是爆料人，自揭兄弟決裂。今日身為父親的李家鼎親自為大孖澄清，肯定爆料人不是泳漢，他說：「一定唔會阿漢講，佢唔會咁做，流言蜚語唔使理人講乜。（點解泳豪要咁話阿哥，兩兄弟係咪水火不容？）呢啲係家事，我會自己處理。」他坦言自己都好擔心施明，搞到徹夜難眠，並說：「我尋日都成4點先瞓，依家又要去開工，雖然離咗婚，但始終都係老婆嚟。」
另外，對於被細佬指是放料人，李泳漢答得很淡然：「我哋家事會自己處理，現階段最緊要係媽媽冇事，其他嘢真係唔想再講。（同泳豪係咪不和？）我冇乜嘢要回應，唔好意思。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
