蔣家旻在台上發表得獎感言時多謝
現年33歲的蔣家旻，於2006年參加無綫電視演藝新晉推廣計劃「TVbeople」成功獲選並入行，多年來星途一直浮浮沉沉，她曾經憑著《愛回家》中「馬子妮」一角成功入屋贏得人氣，可是後來卻遭公司雪藏。在事業路上經歷過跌跌踫踫，她終於憑著這次的角色人氣急升兼且贏得女配獎項，演技備受肯定。
蔣家旻是獲該劇的導演、監製以及編劇葉念琛欽點演出劇中大反派琪琪一角，結果她的演技大獲好評並為她贏得首個演技上的獎項，吐氣揚眉。她去年接受電台訪問時就曾公開感謝伯樂葉念琛。其實葉念琛早於2013年已大膽起用，當時未有知名度的蔣家旻，擔演電影《第一次不是你》女主角，更令她成功入圍香港電影金像獎最佳新演員。
蔣家旻當時在訪問中表示：「父母一直唔放心我入行，《第一次不是你》好似帶我到某一個高峰，但之後又冇得做《愛．回家》突然跌返下來，會聽到佢哋好多擔心說話，『你明明去到某個位，為何被人撳番低？工作量唔多、又做返冇乜發揮角色？』這啲事就算佢哋唔講，我自己都會問點解。點解？就係冇運氣！我只會同朋友呻，不同家人講是擔心有更多負面情緒，嗰時都攰都辛苦。」及至兩年前，蔣家旻再憑《反黑路人甲》水姐一角事業再露曙光奪得「飛躍進步獎」之前，問她有否洩氣，她說：「之前有洩氣，但我冇放棄，我成日同自己講，入行最辛苦嗰五、六年我都可以捱過，我認為自己仲有機會，仲有希望！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
