前華姐冠軍余思霆去年「回歸」香港，單身的她即全程投入工作，不過身為孝順女，趁農曆年也會返台灣陪長輩，更準備大批利是給長輩及後輩，她透露此乃台灣習俗：「台灣係一出嚟社會做嘢，新年除咗同輩之外，長輩同後輩都要派利是，即使未結婚都要派㗎！（咁你咪大出血？）今年預備咗1萬蚊港幣，過年最緊要開心，派出去都係福嚟嘅，多少少錢唔緊要，當然最大封嘅一定係畀爸爸、媽媽。」
剛回港幾個月的她，透露雖然工作量不多，但卻有幸有新嘗試，她說：「新年有一個做司儀嘅節目，之前錄影嘅時候真係好緊張，真係緊張過選華姐，因為都有現場觀眾，壓力好大，第一次同汪明荃一齊做主持，佢係一個好好嘅前輩，我仲擔心自己會出錯影響到其他人，好彩最尾都順利完成，畀自己70分，希望嚟緊會有更多嘅機會主持」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
