林子博直認面部做過微調 李婉華開腔反駁「鬼影變幻」下巴
前無線娛樂台前主播林子博前年居家移民英國後，不時於自家YouTube頻道分享生活點滴，早前再次搬遷的他於新租住的超豪大屋進行Room Tour，引起不少網民關注。最近他開Live自爆整過容，一起做節目的李婉華更開腔反擊整容變「巫婆」的指控。
相關閱讀：林子博移英搬超豪大屋 喜見17歲女融入校園生活︰乜嘢困難都抵返晒！
【點擊睇林子博進化史】：
林子博前年8月攜同一對子女移民英國，更開設YouTube頻道「子博在英國」，分享生活日常。近日子博則聯同李婉華、杜挺豪開Live大談整容，一開始李婉華先拿自己的整容傳聞自嘲，更謂遭外界批評下巴尖到似「巫婆」，但她澄清只是影相的角度和打燈所指，強調從沒整容或微調，皆因自己一向崇尚自然，更懶得Keep住「入廠維修」，李婉華說：「我由得啲歲月痕跡喺面上，就真係冇整過（容），微調、打針都冇，Facial都好少做，我會喺屋企搽吓護膚品、飲多啲水、食吓維他命，主要係飲好多水，同埋我心態非常開朗。」她又直言老公亦不容許她在臉上「加工」，李婉華續道：「我老公話『你千祈一啲嘢都唔好搞，你搞我會對你冇興趣』，佢話我個樣搞到似邊個邊個咁就見到我都冇興趣。」
直播中，子博就自爆曾獲香港醫學美容醫生贊助微調，他說：「開頭心態都係諗住打斑，加上塊面有啲疣，後來醫生建議整多啲嘢，例如肉毒桿菌等塊面Firm啲唔好皺紋，跟住我話唔使啦，因為我怕痛唔想打針，之後同老婆商量，老婆話有免費梗係做啦，結果下次去一打就好痛。」最終子博忍痛在面部打了至少8至10針，及後他又分享自身隆鼻和下巴經歷。
【其他文章】：
李玟老公被爆偷食驚傳婚變屈出病近照曝光身形暴瘦兼面容憔悴
滕麗名47歲生日纖瘦身形破功 周嘉洛掌鏡連累阿媽驚現巨型雙下巴
「美心妹妹」記錄過去12年與父親拖手行年宵背影 網民看完暗暗鼻酸
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|
