已故天后梅艷芳的71歲胞兄梅啟明上周五（24日）於現職的銅鑼灣飯店當廚工跣倒後昏迷送院，據知入院後梅啟明病情反覆，今日（30日）有消息指，當時梅啟明於餐廳廚房內工作，疑肩膊撞到一個水桶後，緩慢地跌倒，側身肩膊着地。送院後梅啟明表示自己肺部有瘀傷、發燒達39度，最嚴重是左邊身麻痹，醫生擔心他是輕度微中風。梅啟明稱梅媽已得悉自己受傷入院一事，又指梅媽梅覃美金想到醫院探望，但近日天氣差遭婉拒。
今日（30日）梅啟明接受東網訪問，指自己病情反覆，他邊咳邊透露：「前晚（29日）發高燒，燒到39.3，依家都仲燒緊，同埋照肺嘅時候，發現右邊肺有舊嘢，要再做磁力共振睇吓點樣，同埋我左邊身出現麻痹，醫生擔心我輕微中風，暫時未知幾時可以出院。」梅啟明於電話中咳得很厲害，談自己身體狀況亦氣若游絲，不過，一提到梅媽，他又變得中氣十足，火滾地表示：「我出事之後都有朋友通知咗佢，但佢個近身護士截晒啲消息，仲話佢（梅媽）有老人癡呆。（咁梅媽無搵過你？）有，佢幾日前打過畀我，話佢身邊有好多馬鬼蛇神，亦好驚冇咗個護士，因為佢唔識食藥，同埋話個私家護士嚇佢，話唔炒得佢。（又話梅媽畀人截晒信息，但梅媽又知你情況？）我有位朋友趁梅媽個看護走咗，就去醫院探她，幫我傳話。」梅啟明所講的朋友正是他的泰國籍女友查小姐，即梅啟明指梅媽曾見過他的女友。
除了大罵梅媽私寥護士，梅啟明亦狂轟他的姪仔，年幾年接走了梅媽，兩個月前梅媽入院，對方竟然冇探過梅媽，所以，他出院後會做兩件事：「第一，要打封信辭退個護士，否則報警，因為有好多衰嘢喺我手，唔單止要挾，每個月梅媽攞錢，返到屋企總係少咗一大舊，要查吓點解；第二，搵姪仔算帳，點解唔問過我就接走佢（梅媽）。」
梅媽下個月便一百歲，梅啟明指下個月便一百歲的梅媽在醫院只吃白粥腐乳，炮轟膳食安排很差。
至於梅媽見過他的泰籍女友是否已認定對方地位，梅啟明指梅媽已當對方是「半邊女」般看待，而身在馬來西亞的梅太Joey得悉此事後，指梅媽以為她是自己，所以才接見。
對於梅啟明之說話，梅媽並沒有受訪，她的外傭只以「佢瞓咗喇。」匆匆掛線。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
