張敬軒（軒仔）繼去年為手提電話品牌廣告微電影《前夫的愛》任導演，首次執導就獲得MEA廣告頒獎典禮頒發四個重要獎項後，今年再下一城，於被譽為香港「廣告界奧斯卡」嘅《香港金帆廣告大獎頒獎禮2022》獲得六個獎項！因為軒仔係香港「最強KOL」，因此佢執導嘅廣告同時獲得數個社交媒體的項目獎項。對於再次獲得佳績，軒仔表示十分驚喜及鼓舞：「多謝大會，亦十分感謝廣告客戶全力支持，畀我有好大嘅創作空間，多謝監製、編劇陳詠燊，美術指導張蚊，廣告團隊功不可沒。」
除此之外，剛完成倫敦演唱會嘅軒仔已立即投入工作，下月18日，就獲聖保羅書院中文科邀請，聯同香港大學朱耀偉教授擔任講師，一同出席關於香港流行曲七十年的聯校講座，全體中西區十二間中學均一同參與，首次擔任講師，軒仔謙稱不敢當：「好榮幸受到邀請，喺台上面唱歌就多，講talk真係少見，唔好話做講師，同大家分享比較貼切，因為自己身處呢個行業，而且對粵語有一種情感喺度，希望到時可以同大家有個愉快嘅分享。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
