郭富城的新戲《斷網》近日上畫中,城城亦忙於跑宣傳,其中一個方法就是與YouTuber合作,因此他近日驚喜現身FHProductionHK新片,雖然片長只是4分幾鐘,不過都好有效果,一日已獲10萬人收睇。片段講述FHProductionHK成員知道可以同郭富城合作,興奮不已,嘉盈更偷偷打畀媽咪分享喜訊,雖然她叮囑媽咪保密,但對方將消息一傳十、十傳百,結果訪問期間被姨媽姑姐亂入、包圍合照,訪問都做唔成。最爆笑是鄭保瑞導演問城城:「阿王,又話訪問嘅,都冇人問問題。」無法甩身的城城無奈說:「你咪問緊囉。」城城向藍仔頭與近南哥求救,問:「我想問訪問係咪已經開始咗?」兩人唯有說:「Er,我哋想知……我哋想知依家你覺得點?」城城即苦笑說:「好尷尬囉!」網民大讚城城好玩得、又貼地又親民,甚至期待他與更多YouTuber合作,如仿效鄭秀文,現身「Pomato小薯茄」講雪櫃冷笑話。