藝人鍾嘉欣闊別香港年半後，近日與3個仔女及父母由加拿大返港探朋友，以及趁機拍廣告搵銀，今日（19日）到柴灣拍攝美容廣告的嘉欣，雖然是3個小孩的媽媽，但身材保持得弗到漏，不過，坦言與老公討論後決定「封肚」：「如果後生5年，真係會生夠4個。依家人生嘅目標係鍛煉好健康身體，希望陪伴佢哋嘅時間可以長啲。」
為了身體健康是否不會拍劇，她表示親手照顧，其實湊小朋友比起拍劇更辛苦，亦透露今次回港沒有洽談拍劇，但拍攝《星空下的仁醫》後，對拍劇會抱開放態度。問到是否會拍攝《星》續集？她說：「上年有傾過，佢哋搵咗人啦，我細女先得6個月大，將來拍劇可能都要趁暑假，最緊要係可以帶到小朋友返嚟，唔想好似上次咁同屋企分開5個幾月，真係好肉赤。」
今次回港探朋友，她指老公雖然感到Lonely但也有沒詐型，亦鼓勵老公做Gym趁機重拾6塊腹肌。講到早前有網民指在加拿大碰見嘉欣，覺得她擺出明星架子，並不友善。她指不是事實，故一直保持沉默，沒有回應，認為總會有人鍾意和不喜歡她，只要做好自己，不會理會太多，否則會很頭痛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
