每年3、4月正值櫻花盛開嘅日子，好多人都會專程飛去日本睇櫻花，尤其經歷3年疫情就更令人「思鄉」。新年宣布懷有第2胎、依家懷孕差不多5個月嘅藝人孫慧雪都一樣，雖然個肚猶如8個月大，但佢都把握時間趁仲飛得飛咗轉日本賞櫻。雪雪日前喺社交網晒相兼留言，同粉絲分享佢賞櫻之旅嘅感受：「臨出發日本睇櫻花前，我喺社交網搵定晒啲影樱花攻略，搵晒reference畀老公，佢話：『得！無問題！』結果想像總是美好的！上圖是想像，下圖是真相。」
睇番啲相，一張係雪雪喺網上搵畀老公嘅參考圖片，一位媽咪帶住兩個小朋友坐喺青葱嘅草地上，背後係一大片粉紅色嘅櫻花海，無論構圖、意境同色彩都非常高質，至於另一張係出自佢先生嘅手筆，同樣有草地有櫻花，不過雪雪同囝囝身後就多咗幾位嚟賞櫻嘅市民，影出嚟嘅效果可謂差天共地，非常搞笑，粉絲就留言安慰雪雪：「正常㗎，我嗰啲都係咁」、「佢怕影得妳肥，所以只影頭」、「都影得靚呀，朦朧美，唔係個個都識」、「老公眼中只有你兩個，又晒幸福」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
