無綫藝人何依婷、湯洛雯、高海寧及朱晨麗昨晚（31日）為無綫化身「帶貨女王」，與內地平台合作做帶貨直播，而何依婷與湯洛雯都是首次做，故都有少少緊張。何依婷接受東網訪問時謂:「我未做過直播，所以事前都真係要做足功課，自己都有試用同研究啲產品，我都有睇番其他人做嘅直播參考，偷吓師咁。」問她喜歡做那一類產品時，她坦言:「我一直以為自己會傾向想做化妝、護膚品，但前兩日綵排時，發現食嘅直播都幾好，主要係啲嘢真係好好食。」
至於同樣是首次做帶貨直播的湯洛雯受訪時謂:「今次有少少特別，我哋又唔使一個人帶咁多嘢，係幾個女仔輪流咁介紹，都唔會太緊張，唔係自己一個人做都OK！」昨晚直播騷由下午5時進行至深夜2時，經過長達9小時無間斷直播帶貨，最終全場銷售額突破1億人民幣(約1.1億港元)，累計觀看人次近1,000萬，成績斐然。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
