6月11號即係農曆四月廿四，通勝話宜大事勿用，即係如果有大事要搞就唔好揀今日，最旺生肖係牛，屬牛嘅人桃花旺爆，異性緣唔錯，所以如果你已經有另一半，就要提防佢呷醋。「牛仔」丁子朗真係好有異性緣，次次拍劇都同靚女做一對，而且傳晒緋聞，之前同戴祖儀，依家就同港姐郭柏妍，早排熱播嘅《法言人》入面，丁子朗又夥拍靚女，同何依婷做一對，仲有咀嘴戲，丁子朗即刻話今次唔想再傳緋聞，又會咁快落閘嘅，唔通真係有另一半怕佢呷醋，雖然佢成日唔認同郭柏妍嘅戀情，不過兩個真係出雙入對咁款，好耐人尋味，記住今日要提防佢呷醋，要好好保障愛苗。
今日嘅幸運星係白羊座，你哋嘅幸運指數排首位，生活無憂、心情好到極，無綫御用宮女，依家係百億豪門少奶嘅李美慧，就係白羊座。佢同富豪老公曾文豪婚後生活無憂，並且生咗個好可愛嘅寶貝女，依家李美慧佗緊第二胎，今胎仲要係佗仔，可以湊成好字，心情就梗係好，真係恭喜晒。至於雙子座嘅朋友，主動向另一半表達關懷，對方會更鍾意你。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
