今日係6月26號，農曆五月初九，是日最旺生肖係狗，你哋桃花好旺，不過係同另一半嘅桃花呀，今日係談情吉日，應該同另一半享受二人世界。應屆港姐冠軍林鈺洧（Denice）就係屬狗，佢感情史都好豐富好精彩，曾經喺節目自爆性史，話有過5位性伴侶，又被爆有過三角關係！不過Denice就否認嘅，之後都好少公開講感情狀況，但如果你拍緊拖相信啲負面新聞都唔會影響你哋呀，因為你今日桃花旺係談情吉日，感情一定突飛猛進！
今日幸運星係雙子座，你哋享盡天時地利人和，應該放膽追夢，唔好浪費時光。女團COLLAR成員Winka就係雙子座，佢早前推出第一首個人單曲《一手造成》反應唔錯，不過之後被捲入消費前男友風波，連隊友So Ching退團，網友都不滿Winka對「8-1=0」嘅重新演繹。不過Winka今日有齊天時地利人和，就繼續放膽追夢啦，絕對可以重新出發呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
