今日係7月20號，即農曆六月初三，通勝話適合祭祀、動土同嫁娶，幸運顏色係藍色，最旺生肖係狗，屬狗嘅人桃花旺，獲月老牽紅線，單身嘅人會遇到完美情人。
「最美港姐」李嘉欣就係屬狗，早排佢喺社交媒體Post咗同小黃鴨嘅合照，相入面嘅佢着住紫色Bra Top，大騷結實腹肌同馬甲線，身材fit到爆，成個人神采飛揚。近日佢仲同老公去咗英國睇溫布頓網球賽，唔單止晒出甜蜜合照，仲巧遇英國皇室。既然今日行桃花運，不如就着得靚啲，繼續同老公拍拖周圍玩。
今日嘅幸運星係金牛座，今日你哋幸運指數排第一，感情生活更係如魚得水。唐詩詠就係金牛座，唐詩詠舊年約滿離巢TVB，無約一身輕嘅佢，生活得相當寫意，周圍飛埋去旅行，仲跑埋山添，依家咁自由，可以得閒拍拖啦。今日桃花運唔錯喎，記得出門行吓，見到鍾意嘅就唔好錯過啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
