被嘲刀仔都畀你鋸斷晒
事件源於文化人馮美華（May Fung）看畢《全個世界都有電話》後，在個人facebook發文，讚電影没有說教，只有幽默，只有諷刺，偶而誇張，似是寫實，並肯定了人類存在的某種正面價值取向。隨後，就有網民留言，向導演反問︰「試下拍多少少budget嘅片，知唔知道咁樣做影響晒成個圈嘅生態？」
內容更直指這做法是壓榨個budget，即係壓榨不少參與拍攝的同行。力斥黃導演「一套戲刀仔鋸大樹成功咗，就諗住套套戲都用刀仔鋸。啲刀仔遲早俾你鋸斷晒！」
對這指控，黃浩然會親身在留言下方以5點回應︰
「我諗我真要同你講清楚幾點：
1. 我拍攝日數少，唔係因為我拍攝速度快（你可以問我任何一個台前幕後，佢哋都會話我哋拍攝速度正常，唔特別快，亦唔特別慢），而係寫劇本嘅時候，已經設計好啲景同拍攝安排；
2. 我用細機（Panasonic S1H）拍，而且絕大部份時間單機拍攝，所以crew size只有30人左右，比一般港產片細好多，所以成本會低。
3. 我哋所有crew都有人工出，但我哋所有本地主創，由監製編劇以至導演我自己，都一蚊片酬都唔收，全部只收股份。一般港產片，單係主創人工已經隨時超過100萬，我哋完全唔收。我哋唔敢講肥下，但絕對係瘦上。
4. 上部戲票房成功，我喺慶功宴即時派bonus俾crew，12日戲有嚟幫手拍9日或以上嘅，即場出多2日人工，只嚟幾日散工嘅都會封返一封500蚊利是，而呢啲bonus係我同朋友借錢嘅，因為到今日，我個人都係未收到上部戲嘅分紅。
5. 如果你唔識我班crew，我可以介紹你識，你自己親口問佢哋，我有冇壓榨佢哋。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
