梁朝偉今早（27日）出席《兒科醫學會䳭程奮進堅毅獎學金 2023 頒獎典禮暨午宴》，以花襯衫配黑色褲，打扮簡潔。
「兒科醫學會鵬程奮進堅毅獎學金 2023」 皆在鼓勵本港患有長期病患及來自基層的兒童及青少年，梁朝偉先逐一頒獎予20名兒童及青少年。之後在台上分享個人感受，他表示自己都是來自基層家庭，又提到每個人無論是身體或心理都有缺陷。「我自己都係，除咁基層之外，我都係來自單親家庭，喺我記憶中，大概6、7歲左右，爸爸有日消失唔見咗，我同妹妹都係媽媽一手湊大。」
梁朝偉表示由於家庭環境，所以他中學未畢業就出社會工作。「我覺得自己幾好運，5、6年就搵到一份自己好有興趣嘅工作，雖然覺得自己讀書唔夠多，但可以進修，除咗自修外，我喺呢段期間對每個工作都好認真。我唔夠膽話自己今日好成功，但起碼做到心裡嘅要求，我一直覺得自己同大家一樣都係普通人，如果我都可以，我相信所有人都可以。」近日有傳偉仔搭上內地女星程瀟，兩人仲育有私生子，偉仔今日雖然婉拒受訪，但係見佢心情大好，相信未受傳聞影響。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
