台灣女星徐熙娣（小S）今年3月獲得「韓國觀光名譽宣傳大使」認證，原來佢同韓國都真係好有緣，家姐徐熙媛（大S）老公就係韓國天團「酷龍」成員具俊曄，尋日（2日）更有網友巧遇小S舉家出遊韓國，稱喺狎鷗亭一間店入面遇到小S，仲話本身係先認出具俊曄，陸續再見到小S同佢囡囡許老三、二女Lily、大女Elly等，網友仲話自己當時好激動，但怕打擾眾人行街，所以匆匆拍完照就走咗，之後亦陸續見到唔少網友晒出同小S嘅合照。
今次S家之遊，唯獨未見大S身影，即令網友對早前有傳大S身體虛弱，連屋企家門都出唔到之傳聞，加上具俊曄亦曾自爆要抱大S去廁所及要餵佢食飯等，令傳聞更加似層層。不過亦有網友指今次係小S屋企旅行，咁啱具俊曄有工開先會同行，大S唔去都好合理。而具俊曄本月5日將於泥漿節嘅World DJ Festival演出，之後亦會喺韓國留多排。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
