林作近年以「抽水王」自居，自踏入今年後便發生連環不幸事件，荷里活廣場6月初發生男子持刀襲擊兩名女子的命案，兩名受害者終傷重不治。林作因Post出一張模仿疑犯造型照片，狂言稱「放售疑犯同款波鞋」、「逃跑一流」遭鬧爆，林作任職的保險公司不抵輿論壓力解僱林作；及後7月林作又因視網膜脫落需緊急入院做手術，本月再犯官非，連環「瀨嘢」。
風水師七仙羽（七師傅）曾與林作合作拍片，她素來與林作媽Lily交好，又調解過林作媽與裕美的婆媳糾紛，有見林作連環出事，七師傅接受《香港01》訪問便說：「有一個成語叫禍不單行，逢親啲災禍都係接踵而至。之前都有提醒過，因為之前單事件都搞到太大，所以佢各方面都要小心，佢啲運唔好嗰陣，各方面都要小心，當一個人運唔好，更加要低調、退守。」
七師傅又指林作視網膜脫落已是不幸預兆，她說：「佢之前眼睛開過刀，已經知佢今年唔係好順暢㗎」她指上述建言適用於所有人，並非單指林作，她說：「如果嗰一年例如身體唔好，投資又失利，變咗好多嘢都接踵而至。所有人都係咁，嗰一年有咩唔順暢呢，做嘢要特別小心。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
